ଯାଜପୁର ବିକାଶର ନୂଆ ଅଧ୍ୟାୟ: ରେଳ ସଂଯୋଗ, ଐତିହ୍ୟର ପୁନରୁଦ୍ଧାର ଓ ଜନସ୍ୱାର୍ଥ ପ୍ରସଙ୍ଗରେ ସାଂସଦ ରବୀନ୍ଦ୍ର ନାରାୟଣ ବେହେରାଙ୍କ ଉଦ୍ୟମ
ଯାଜପୁର: ମା’ ବିରଜାଙ୍କ ପବିତ୍ର ମାଟି, ଐତିହାସିକ ବୌଦ୍ଧ ପୀଠ ଓ ଶିଳ୍ପ ସମୃଦ୍ଧିର ଜିଲ୍ଲା ଯାଜପୁରର ବିକାଶକୁ ନେଇ ସଂସଦରେ ନିଜର ସ୍ୱର ଉଠାଇ ଆସୁଛନ୍ତି ଯାଜପୁରର ସାଂସଦ ଡଃ ରବୀନ୍ଦ୍ର ନାରାୟଣ ବେହେରା। ରେଳ ସଂଯୋଗଠାରୁ ଆରମ୍ଭ କରି ଐତିହ୍ୟର ସଂରକ୍ଷଣ, କୃଷିର ବିକାଶ ଓ ଶିଳ୍ପାଞ୍ଚଳର ସୁବ୍ୟବସ୍ଥିତ ଯୋଜନା ପର୍ଯ୍ୟନ୍ତ ବିଭିନ୍ନ ପ୍ରସଙ୍ଗରେ ସେ ସଂସଦରେ ନିଜର ମତ ରଖିଛନ୍ତି। ରେଳ ସଂଯୋଗକୁ ଗୁରୁତ୍ୱ ଯାଜପୁର ରୋଡ୍ରୁ ଧାମରା ପର୍ଯ୍ୟନ୍ତ ରେଳପଥ ନିର୍ମାଣ ଜିଲ୍ଲାର ଯୋଗାଯୋଗ ଓ ଅର୍ଥନୈତିକ ବିକାଶ ପାଇଁ ଏକ ଗୁରୁତ୍ୱପୂର୍ଣ୍ଣ ପ୍ରସ୍ତାବ। ଏହି ପ୍ରକଳ୍ପ ମାଧ୍ୟମରେ ଯାଜପୁରର ମା’ ବିରଜା ମନ୍ଦିର, ଭିତରକନିକା ଜାତୀୟ ଉଦ୍ୟାନ ଓ ଧାମରା ବନ୍ଦରକୁ ରେଳପଥରେ ସଂଯୋଗ କରିବାର ସମ୍ଭାବନା ରହିଛି। ସାଂସଦ ଏହି ପ୍ରକଳ୍ପର ତ୍ୱରିତ ଆର୍ଥିକ ଅନୁମୋଦନ ପାଇଁ ସଂସଦରେ ଦାବି ଉଠାଇଛନ୍ତି। ରେଳପଥର ଡିପିଆର୍ ପ୍ରସ୍ତୁତ ହୋଇଥିବା ବେଳେ ଅନ୍ତିମ ଆର୍ଥିକ ଅନୁମୋଦନ ଅପେକ୍ଷାରେ ରହିଛି। ଐତିହ୍ୟ ଓ ପର୍ଯ୍ୟଟନର ବିକାଶ ଯାଜପୁରର ଗୌରବମୟ ଇତିହାସକୁ ନୂଆ ପରିଚୟ ଦେବା ପାଇଁ ପୁଷ୍ପଗିରି ବିଶ୍ୱବିଦ୍ୟାଳୟର ପୁନରୁଦ୍ଧାର ଓ ଲାଙ୍ଗୁଡ଼ି ବୌଦ୍ଧ ପ୍ରତ୍ନତାତ୍ତ୍ୱିକ ସ୍ଥଳର ବିକାଶ ଉପରେ ସାଂସଦ ଗୁରୁତ୍ୱ ଦେଇଛନ୍ତି। ଏହା ସହିତ ବାରୀ ରେଳ ଷ୍ଟେସନରେ ମହାତ୍ମା ଗାନ୍ଧୀଙ୍କ ପଦଯାତ୍ରା ସ୍ମୃତିରେ ଏକ ଛୋଟ ସଂଗ୍ରହାଳୟ ସ୍ଥାପନ ପାଇଁ ମଧ୍ୟ ସେ ଦାବି ଜଣାଇଛନ୍ତି। ଏହି ପଦକ୍ଷେପଗୁଡ଼ିକ ଐତିହ୍ୟ ସଂରକ୍ଷଣ ସହିତ ପର୍ଯ୍ୟଟନର ବିକାଶକୁ ନୂଆ ଦିଗ ଦେଇପାରିବ। କୃଷି, ଶିଳ୍ପ ଓ ଜନସ୍ୱାର୍ଥ କୃଷି, ଜଳସମ୍ପଦ, ଶିଳ୍ପାଞ୍ଚଳର ବିକାଶ ଓ ଯୁବପିଢ଼ିଙ୍କ ରୋଜଗାର ସମ୍ଭାବନା ଯାଜପୁରର ବିକାଶ ଯାତ୍ରାର ଅନ୍ୟତମ ପ୍ରମୁଖ ପ୍ରସଙ୍ଗ। ସାଂସଦ ସଂସଦରେ ଜଳସେଚନ କେନାଲର ପୁନରୁଦ୍ଧାର, ତସର ବୁଣାକାରଙ୍କ ସମସ୍ୟା ଓ କଳିଙ୍ଗନଗର ସମେତ ଯାଜପୁର ରୋଡ୍, ବ୍ୟାସନଗର ଓ ପାଣିକୋଇଲିକୁ ଯୋଜନାବଦ୍ଧ ସହର ଭାବେ ବିକଶିତ କରିବା ପ୍ରସଙ୍ଗ ଉଠାଇଛନ୍ତି। ବିକାଶର ଆଶା ଓ ଆଗାମୀ ଆହ୍ୱାନ ୨୦୨୬ ଅଗଷ୍ଟ ୨୪ରେ ସାଂସଦ ରବୀନ୍ଦ୍ର ନାରାୟଣ ବେହେରା ଓ ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ ମୁଖ୍ୟମନ୍ତ୍ରୀଙ୍କୁ ଭେଟି ଯାଜପୁରର ବିକାଶ ସମ୍ପର୍କିତ ପ୍ରସଙ୍ଗ ଉପରେ ଆଲୋଚନା କରିଥିଲେ। ଯାଜପୁରର ବିକାଶ କେବଳ ଘୋଷଣାରେ ସୀମିତ ନ ରହି ରେଳପଥ, ଐତିହ୍ୟ ସଂରକ୍ଷଣ, କୃଷି ଓ ଶିଳ୍ପ କ୍ଷେତ୍ରରେ ଦୃଶ୍ୟମାନ ଫଳ ଆଣିବା ହିଁ ଆଗାମୀ ଦିନର ବଡ଼ ଆହ୍ୱାନ। ସାଂସଦଙ୍କ ଦାବି ଓ ଉଦ୍ୟମ କେତେଦୂର ଭୂମି ସ୍ତରରେ ସଫଳ ହେଉଛି, ତାହା ଜିଲ୍ଲାବାସୀଙ୍କ ପାଇଁ ଗୁରୁତ୍ୱ ବହନ କରୁଛି। ଆସନ୍ତୁ ନଜର ପକାଇବା ଯାଜପୁର ଜିଲ୍ଲା ର ବିକାଶ ପାଇଁ ସାଂସଦ ଙ୍କ ପାଣ୍ଠି ରୁ ବିନିଯୋଗ ହୋଇଥିବା ଅର୍ଥରାଶି --- ଯାଜପୁର ସାଂସଦ ଡ଼. ରବୀନ୍ଦ୍ର ନାରାୟଣ ବେହେରାଙ୍କ ପକ୍ଷରୁ ପ୍ରକାଶିତ ତଥ୍ୟ ଅନୁଯାୟୀ, ୭ଟି ବିଧାନସଭା କ୍ଷେତ୍ରରେ ମୋଟ ୧୬୩ଟି ପ୍ରକଳ୍ପ ପାଇଁ ୯୭୪.୪୫ କୋଟି ଟଙ୍କା ବିନିଯୋଗ ହୋଇଛି। ଧର୍ମଶାଳାରେ ୫ଟି ପ୍ରକଳ୍ପ ପାଇଁ ୩୩ କୋଟି ଟଙ୍କା ବିନିଯୋଗ ହୋଇଥିବା ଦର୍ଶାଯାଇଛି। ବରୀରେ ୫୨ଟି ପ୍ରକଳ୍ପ ପାଇଁ ୨୨୬.୯୫ କୋଟି ଟଙ୍କା ଖର୍ଚ୍ଚ ହୋଇଛି। ଯାଜପୁରରେ ୩୮ଟି ପ୍ରକଳ୍ପ ପାଇଁ ୧୮୬.୫୫ କୋଟି ଏବଂ ବଡ଼ଚଣାରେ ୬ଟି ପ୍ରକଳ୍ପ ପାଇଁ ୧୭୫ କୋଟି ଟଙ୍କା ବିନିଯୋଗ ହୋଇଛି। କୋରେଇ, ସୁକିନ୍ଦା ଓ ବିଞ୍ଝାରପୁରରେ ଯଥାକ୍ରମେ ୨୨, ୧୦ ଓ ୩୦ଟି ପ୍ରକଳ୍ପ ପାଇଁ ୧୩୯, ୭୧.୫୦ ଓ ୧୪୨ କୋଟି ଟଙ୍କା ବିନିଯୋଗ ହୋଇଥିବା ତଥ୍ୟରେ ଉଲ୍ଲେଖ ରହିଛି।
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
Ajay
Ajya Kumar Behera is the founder and editor of APANANKA SWAR and a passionate advocate of truthful and responsible journalism. Dedicated to serving society through accurate reporting and public-interest news, he believes in the values of truth, transparency, and trust. Through APANANKA SWAR, he strives to inform, empower, and connect communities across Odisha.
